第四章

……你响度取笑紧我！」

    萧:「唔系呀，我认真咁讲?。」

    昌:「我曾经想过，要改变失败命运。」

    J:「咁你要讲嚟听下喇，我都想试试，你有咩办法改变命运？」

    昌:「我原本想追多一个仔，等我有一个细仔嚟承接我两公婆想达成嘅心愿，无论喺运动、学业或者嗜好，都想佢青出於蓝，期望可以改写我哋廖家一家嘅命运。我唔想姓廖嘅花咗一生心血去追求成功，最终落得失望收场。」

    J:「真系孤注一掷！搏一搏追多个壮丁，可能真系有啲机！」

    萧:「咁结果呢？你唔好同我讲你哋呢个年纪要生仔下话？」

    昌:「可惜我哋点样努力都追唔成功。」

    萧:「你哋咁大年纪，梗系难喇！」

    昌:「所以，我哋之後又想出另外一种原因解释我廖家失败嘅命运……」

    萧:「咩原因？」

    昌:「我哋揾咗一个命理师傅同我哋算命。」

    J:「系？咁师傅讲咩呢？」

    昌:「命相师话帮我哋作咗法，化解我两公婆命格原来五行相克嘅困局。」

    萧:「你哋相克？哼，你如果唔系靠老婆，你都唔会养得起呢头家，你哋相互扶持咗咁耐，点算得上相克呢？荒谬……」

    昌:「但系我始终觉得，佢作法之後，屋企真系样样都顺顺利利，病痛都有改善咗喎，唔到你唔信呀。」

    听成昌说到这里，萧姑娘替锦英感到有点难过，在心里想:「呢个男人，到底有冇用?？全冇斗志可言，所依赖嘅都唔系一啲靠真正实力换取返嚟嘅成果，相信啲自己呃自己嘅嘢，可怜锦英辛苦咗大半生，为咗呢个男人。」